Украинска армија: Овој град наскоро би можел да стане втор Бахмут

„Руските сили ги продолжуваат напорите да го отсечат градот Авдивка, северно од градот Доњецк, а тој наскоро би можел да стане уште еден Бахмут“, соопшти украинската војска.

„Непријателот постојано се обидува да го опколи градот Авдивка. Се согласувам со моите колеги од Обединетото Кралство дека Авдивка наскоро би можел да стане втор Бахмут – тоа е вистина“, рече Олексеј Дмитрашкивски, воен портпарол. Но, тој додаде дека Русија „трпи доста сериозни загуби“, тврдејќи дека ги користи „своите последни резерви“.

„Во текот на изминатиот ден, непријателот загуби околу три ротации на персонал. Сите овие напади се од ист тип. Непријателот напаѓа од иста позиција, многу предвидливи. Така нашите момци успеваат да ги одбранат своите позиции“, рече тој.

Според украинските власти, во Авдивка останале околу 2.000 цивили. Неколку деца беа евакуирани, а 150 луѓе го напуштија градот само во последните три недели, изјави за локалниот ТВ канал Еспресо, Виталиј Барабаш, шеф на цивилно-воената управа на Авдивка.

Share on Facebook

Tweet

Follow us

Save