Украинците се жалат: Загубивме една четвртина од земјоделските површини

Бројот на обработливи полиња во Украина е намален за една четвртина од почетокот на руската инвазија, изјави заменик министерот за земјоделство Тарас Висоцки за новинарите во Киев.

Висоцки предвидел дека жетвата ќе биде доволна за домашните потреби, особено што тие потреби се намалени откако многумина избегаа од војната во Украина.

Борбата не само што влијае на земјоделството во земјата, туку влијае и на блокадата на извозот од страна на Русија, што доведува до намалена сеидба на земјоделските култури наменети за извоз, рече Висоцки. Според него, земјоделците се свртуваат кон земјоделските култури со помали барања како што е сојата. Површината под соја останала речиси непроменета и покрај војната.

Но, на пример, одгледувањето пченка падна од 5,5 милиони хектари во 2021 година на 4,6 милиони хектари сега, рече тој. Тој не дал информации за пченицата, чие производство има значително меѓународно влијание бидејќи Украина е главен извозник на пченица.

Share on Facebook

Tweet

Follow us

Save