Ултрамаратонецот Тони Манев ќе го прослави Денот на независноста на Македонија трчајќи точно 178 километри!

Нашиот ултрамаратонец Тони Манев, Денот на независноста на Република Македонија ќе ја прослави трчајќи точно 178 километри со 8.000 метри искачување во Словенија на Крањска гора и Австриските Алпи, како дел од Julian Alps Trail Run.

Точно во 12 часот на 8 Септември ќе стартува трката организирана од УТМБ од местото Кобарид, во конкуренција од преку 150 тркачи од целиот свет.

Единствениот македонски претставник, кој воедно е првиот Македонец кој ќе се обиде да ја истрча оваа најдолга делница од 178 километри, при што треба да искачи и нешто повеќе од 8.000 метри.

Финишот е предвиден во Крањска гора, а лимитот за да се направи овој подвиг е 60 часа.