Унгарија и Словачка ќе поднесат одделни тужби против забраната за увоз на руски гас

Братислава и Будимпешта ќе поднесат одделни тужби до Судот на правдата на ЕУ против забраната за увоз на руски гас во Европската Унија од 2027 година, бидејќи не постои можност за поднесување заедничка тужба и ќе ги координираат своите постапки, изјави словачкиот премиер Роберт Фицо.

„Заедничка тужба е невозможна; секоја земја ќе поднесе своја тужба“, изјави Фицо за порталот Деник.

Според него, Унгарија и Словачка ќе „ги координираат своите чекори“.
Словачкиот премиер, исто така, нагласи дека верува оти украинскиот конфликт ќе заврши до моментот кога забраната за увоз на гас од Русија ќе стапи на сила во 2027 година.

Како што изјави, по завршувањето на конфликтот, „сите ќе си ги скршат нозете“ обидувајќи се да патуваат во Русија на деловни преговори.

Советот на Европската Унија во понеделник усвои целосна забрана за увоз на руски течен природен гас од 1 јануари 2027 година и гас преку цевководи од 30 септември 2027 година.

Share on Facebook

Tweet

Follow us

Save