Ученик им се заканувал на соученици: Инциденти и во училиште во Црна Гора

Тринаесетгодишен ученик им се заканувал на учениците од своето одделение во основното училиште „Душан Кориќ“ во Бијело Поље, пренесуваат црногорските медиуми.

Од Министерството за образование потврдија дека во ова училиште се случил инцидент, а поради тоа наставата била прекината.

„Известени се полицијата и Центарот за социјална работа, кои презедоа дејствија од нивна надлежност. Децата по инцидентот се пратени дома“, соопшти Министерството за образование.
Како што изјавија, утре со момчето на час ќе присуствува училишниот психолог.
Велат и дека се работи за ученик кој три пати го менувал училиштето поради недолично однесување.

Share on Facebook

Tweet

Follow us

Save