Фараж со апел до Трамп: Путин не смее да победи

Лидерот на британската реформска партија Најџел Фараж изјави дека рускиот претседател Владимир Путин добива „премногу“ од преговорите што ги водат САД за ставање крај на војната меѓу Украина и Русија.

Фараж, кој претходно го пофали американскиот претседател Доналд Трамп, предупреди дека конечниот исход од преговорите за Украина не смее да биде победа за рускиот претседател, објави Политико.

„Апсолутно е правилно да се стремиме кон мир, но не можеме да имаме мир што го претвора Путин во победник“, изјави Фараж за Би-Би-Си.

Фараж нагласува дека секој мировен договор за Украина мора да биде „фер“.

Тој долго го поддржуваше Трамп, присуствуваше на неговата инаугурација, се појавуваше на митинзите на Трамп, па дури и доби порака за 60-ти роденден од американскиот претседател.

Политико истакнува дека Фараж сега е под притисок бидејќи британската владејачка Лабуристичка партија се обидува да го прикаже како „мек кон Русија“ поради неговите претходни изјави дека НАТО и ЕУ го испровоцирале Путин да изврши инвазија на Украина.

Share on Facebook

Tweet

Follow us

Save