(Фото+видео) ХАОС во Нови САД: Граѓаните ги маваа полицајците и оградите со јајца

Жарко Миќин на седницата на градското собрание е избран за градоначалник на Нови Сад. Советниците од опозицијата во Собранието на Нови Сад велат дека биле спречени да влезат во зградата и да присуствуваат на седницата, што беше демантирано од претседателот на Собранието и од МВР. Граѓаните фрлаа со јајца кон полицајците, а советниците се обидоа да го пробијат кордонот пред влезот. Голем број полицајци, кои се внатре од рано утрото, излегоа од зградата на Собранието и го расчистија платото пред Собранието на Нови Сад додека внатре се одржуваше седницата.

Како што претходно беше најавено, седницата за избор на градоначалник на Нови Сад беше закажана за 10 часот. Полицијата со опрема за разбивање демонстрации, со штитови и шлемови и полициски кучиња, пристигна порано со автобуси и многубројни „марици“.

Од рано наутро, околу 6:30 часот, полицијата почна да пристигнува во зградата на Градското собрание. Според видеата објавени на социјалната мрежа Х, полицајците донеле целосна опрема на влезот во градскиот парламент.

Околу 7 часот, како што може да се види на видеата, полицијата пристигна и пред Собранието на Нови Сад. Недолго потоа, друга група полицајци пристигна во зградата на парламентот во Нови Сад. Само 15 минути подоцна пристигнаа уште возила на брза помош.

Опозицискиte активисти и граѓани собрани пред зградата на Собранието на Нови Сад се разотидоа нешто по 14 часот и 30 минути.

По заминувањето на демонстрантите, новиот градоначалник Миќин накратко ја напушти зградата и набрзо се врати внатре.

Полицијата потоа ја отстрани заштитната ограда која претходно беше пред зградата на парламентот во Нови Сад, а сообраќајот на улицата Жарка Зрењанина беше нормализиран.

Share on Facebook

Tweet

Follow us

Save