(Фото) Градоначалничката на Град Скопје беше на увид на текот на градежните работи за реконструкција на улицата „Славка Динкова“ во населба Драчево

Градоначалничката на Град Скопје денес беше на увид на текот на градежните работи за реконструкција на улицата „Славка Динкова“ во населба Драчево во општината Кисела Вода каде по поставување на целосно нова атмосферска канализација, отпочна асфалтирањето во првата фаза.

Со овој проект покрај целосна реконструкција на улицата, во вкупна должина од 1.175 метри едновремено се врши за прв пат и изградба на нова атмосферска канализација по целата должина.

“Оваа сообраќајница не е реконструирана повеќе од 30 години, при што со проектот значително се подобрува инфраструктурата за граѓаните, се олеснува движењето и пристапноста за повеќе од 30.000 жители на општината, а воедно се решава и деценискиот проблем со атмосферските води. Покрај новиот коловоз и атмосферската канализација, на улицата предвидено е да се постават нови тротоари и енергетско ефикасно улично осветлување. – истакна градоначалничката Арсовска

Share on Facebook

Tweet

Follow us

Save