INFOMAX.MK

Министерството за одбрана на Велика Британија објави мапа на насоки на руската инвазија на Украина.
Во шемата наречена „Можна оска на инвазијата на претседателот Путин“, објавена на официјалната страница на Твитер на британското Министерство, маршутите на двете фази на копнената офанзива беа означени со стрелки.

Според британската армија, првиот предвидува движење од правец на западните региони на Русија кон Киев и Днепар, од Крим долж брегот на Азовското Море и од територијата на Белорусија до Киев.

Втората фаза предвидува движење од Днепар до Виница, како и од Крим до Одеса.
„Русија одржува значително воено присуство со чија помош може да ја изврши инвазијата без предупредување“, се вели во соопштението и покрај почетокот на повлекувањето на руските трупи во базите по воените вежби.
Министерството за одбрана на Велика Британија посочува дека „шемите се дадени исклучиво за илустративни цели “.
Хистеријата околу наводните планови на Русија за инвазија на Украина трае со недели. Иако Москва постојано негираше дека има такви намери, западните медиуми и политичари не престануваат да ја повторуваат истата мантра. Британските таблоиди „Сан“ и „Мирор“ отидоа чекор понатаму и го објавија „точното“ време на „руската инвазија“ што требаше да се случи во три часот по полноќ на 16 февруари.