(Фото) „СКОПЈЕ ЌЕ БИДЕ СРЦЕТО НА АЛБАНИЈА“ Тешки националистички провокации од трибините на Шкупи, гледаат ли нешто МВР и ФФМ?

Навивачите на екипита Шкупи на синоќешниот фудбалски дерби натпревар на стадионот во скопската населба Чаир истакнаа провокативни пароли со националистичка и екстремистичка содржина.

„Ќе го исполниме историскиот аманет Скопје да биде срцето на Албанија“ – се вели на една од паролите.

Според присутни на натпреварот имало и пароли и извици со кои се величаат убијците на младото момче Никола Саздовски – Саздо, што е уште потешка форма на говор на омраза.

Засега нема никаква официјална реакција на ови националистички испади ниту од ФФМ ниту од МВР, кои начелно се залагаат за сузбивање на говорот на омраза и навредите на национална основа на спортските натпревари.

Иако и тоа е со закон забрането во Македонија, неочекувано по натпреварот со запален факел во раката на теренот излезе и еден од фудбалерите на чаирчани. Тој претходно на лицето ја стави т.н. маска „Гај Фокс“ која е позната како „маска на одмазниците“ односно „маска на анонимните“, со цел да не биде идентификуван од полицијата.

Според Законот за спречување насилство и недостојно однесување на спортските терени секое палење факел, без разлика од која причина, носи и казна. Зачудува што изостана реакција од присутните полицајци на теренот, кои би морале да го идентификуваат фудбалерот на тимот од Чаир и да го санкционираат со парична казна од 500 евра.

Истовремено, поради палењето факели на трибините, како и таа на теренот, според истиот Закон, челниците на Шкупи би морале да бидат казнето со 5.000 евра додека одговорното лице на клубот со дополнителни 1.500 евра.

Share on Facebook

Tweet

Follow us

Save