Хорор во Хрватска: Маж ја убил сопругата со нож, делови од телото закопал во дворот

Окружното јавно обвинителство во Осиек, по спроведена истрага, поднесе обвинение против 53-годишен хрватски државјанин за тешко убиство на неговата сопруга. Злосторството се случило минатата година во селото Тења, а обвинението е поднесено пред Окружниот суд во Осиек, пренесуваат хрватските медиуми.

Обвинението го товари 53-годишниот маж дека ја избол својата сопруга со остар предмет по целото тело, во периодот помеѓу 2 август и 2 септември лани. Тој потоа го распарчил телото и делови закопал низ дворот на нивната семејна куќа.

Обвинителството бара да му се продолжи притворот на осомничениот убиец, а како причините ги наведува опасноста од повторување на кривичното дело и фактот дека притворот е неопходен за непречено водење на постапката. Обвинителството додава дека станува збор за кривично дело за кое е пропишана долгогодишна затворска казна и кое е сторено под особено тешки околности.

Share on Facebook

Tweet

Follow us

Save