Хорор свадба во Узбекистан: Затруени се 53 лица од кои 13 деца

На свадба во регионот Бухара во Узбекистан отруени се 53 лица, меѓу кои 13 деца, соопшти денеска прес-службата на регионалното Министерство за здравство. Болниците во регионите Бухара и Вабкент рано утринава почнаа да примаат луѓе кои се пожалија на болки во стомакот, повраќање и слабост, пренесе РИА Новости.

Во болница се пријавиле вкупно 53 лица, меѓу кои 13 деца, сите биле гости на свадбата“, се вели во пораката објавена на регионалниот канал Телеграм.

Како што соопшти прес-службата, итно биле повикани сите вработени лекари, како и специјалисти од регионалната инфективна болница да дојдат во болниците.

На сите пациенти им била дијагностицирана „акутна дијареа, болки во желудникот предизвикани од труење со храна“ и им била дадена инфузија.

Share on Facebook

Tweet

Follow us

Save