Цената на златото на историски максиумум и уште ќе расте?
![t](https://infomax.mk/wp-content/uploads/2024/07/image-61.png)
Цената на златото достигна највисоко ниво во азиската трговија во средата на 2.478 долари за унца (31,1 грам), благодарение на пониските приноси на американските обврзници и покрај силниот долар.
Аналитичарите на Commonwealth Bank of Australia процениле дека до крајот на годината цената на златото би можела да ја надмине вредноста од 2.500 долари за унца, бидејќи побарувачката за злато не престанува да расте оваа година, пренесува Ројтерс.
Вредноста на златото во вторникот порасна за 1,5 отсто, а цената на августовските фјучерси на берзата во Њујорк Comex се зголеми на 2.464,5 долари за унца. Претходно во текот на денот, цената достигна историски максимум од 2.467,15 долари за унца.
Зголемувањето на цената беше поттикнато од очекувањата од коментарите на претседателот на американската централна банка Џером Пауел, кој даде дополнителен увид во монетарната политика на американската централна банка.
Претседателот на ФЕД потврди дека не е препорачливо да се намали основната каматна стапка додека не се увери дека инфлацијата се движи кон целта од два отсто. Исто така, Пауел истакна дека пазарот на труд во голема мера се вратил на нивоата пред пандемијата.
Следниот состанок на американската централна банка ќе се одржи на 30-31. Јули, а според податоците на CME Group, 85 отсто од аналитичарите веруваат дека ФЕД ќе ги намали каматните стапки во септември на 5-5,25 отсто од сегашните 5,25-5,5 отсто. Очекувањата за итно намалување на каматните стапки позитивно се одразуваат на перформансите на златото.
ПОВРЗАНИ ВЕСТИ
Цената на златото на историски максиумум и…
Цената на златото достигна највисоко ниво во…
Последни пресметки за цената на парното греење,…
Компаниите кои се надлежни за парното греење…
Цената на златото достигна ново рекордно високо…
Светската цена на златото повторно порасна на…
Се намалува цената на мазутот
Малопродажните цени на бензините ЕУРОСУПЕР БС-95 и…
Рекордна цена на златото
Златото на крајот на неделата достигна 2.417…