Четири лица повредени во тешка сообраќајка

Вчера се случила тешка сообраќајна незгода во која со повреди се здобиле четири лица.

– На 10.07.2023 во 12.25 часот на магистралниот пат Кичево-Гостивар се случила сообраќајна несреќа помеѓу патничко возило „фолксваген поло“ со скопски регистарски ознаки, управувано од Л.С.(31) од с.Горно Строгомиште и патничко возило „фолксваген пасат“ со кичевски регистарски ознаки, управувано од Е.А.(39) од с.Србјани, соопшти МВР.

Како што информира МВР, во несреќата со тешки телесни повреди се здобил сопатник од возилото „поло“, Л.С.(53) од с.Горно Строгомиште, а со телесни повреди се здобиле двајцата возачи и сопатничка од возилото „пасат“, А.А.(28) од Кичево, констатирани во Медицинскиот центар Кичево.

Извршен бил увид од увидна екипа од Полициската станица Кичево.

Share on Facebook

Tweet

Follow us

Save