Шефот на унгарската дипломатија: Студентските протести во Србија се обид за дестабилизација

Министерот за надворешни работи на Унгарија Петер Сијарто кажа дека во студентските протести во Србија, кои траат од уривањето на стреата на железничката станица во Нови Сад, гледа „обид за дестабилизација на Србија“.

„Гледам обид за дестабилизација на Србија и, колку што разбирам, тоа не потекнува од самата земја туку од странство“, кажа тој во интервју за Радио телевизија Србија.

Според него, во интерес на Унгарија е Србија да остане стабилна. „Тоа е добро за Унгарците кои живеат во Србија и за Унгарија поради соработката на двете земји“, кажа Сијарто додавајќи дека Будимпешта „ѝ верува на владејачката коалиција во Србија и се надева дека обидот за дестабилизација нема да успее“.

Тој кажа дека Србија е најсилната земја на Западен Балкан и дека Унгарија верува дека е во интерес на Европската Унија Србија да биде нејзина членка. „За Унгарија тоа би била добра вест“, кажа тој.

Share on Facebook

Tweet

Follow us

Save