INFOMAX.MK

Украинскиот претседател Володимир Зеленски предупреди дека ако помошта од сојузниците е недоволна, „војната со Русија би можела да трае „години, дури и децении“, а во неа ќе бидат вовлечени и други земји. Зеленски даде интервју за финската публикација Yle, во кое тој рече повеќе, дека „поевтино е за другите земји да ја поддржат Украина сега наместо да го зголемат ризикот од Трета светска војна“.

По повод претстојната контраофанзива, тој нагласува дека во неа е вклучено и ослободувањето на Крим. Зеленски нагласува дека успехот на Украина во голема мера зависи од тоа дали Западот ќе продолжи да испорачува оружје и дали може да го забрза тој процес. „Сакаме да спасиме што е можно повеќе животи, така што количината на оружје е важна.

Претседателот не прецизираше датум за почеток на контраофанзивата, но според претходните информации од официјален Киев, таа ќе започне на крајот на мај-почеток на јуни.

Заменик-претседателот на Советот за безбедност на Русија, Дмитриј Медведев, реагираше на говорот на Зеленски, нарекувајќи го „хистеричен манифест на режимот во Киев“. Медведев рече дека рускиот одговор ќе биде „масовно уништување на персоналот и воената опрема“ на украинската армија и нејзин „целосен пораз“.