Шолц: Германија нема да ѝ испорача на Украина оружје со долг дострел
Германскиот канцелар Олаф Шолц вчера ја отфрли можноста неговата земја да и обезбеди на Украина прецизно оружје со долг дострел, без оглед на одлуките донесени од сојузниците на НАТО.
Тој посочи дека обезбедувањето германски крстосувачки ракети „Таурус“ за Киев ќе доведе до „голем ризик од ескалација“ на конфликтот.
Ракетите Таурус имаат дострел од околу 500 километри и би можеле да се користат за напад врз Москва од украинска територија.
– Реков не, нагласи Шолц, додавајќи оти „тоа важи и за другите оружја“.
Тој посочи дека нема да го промени својот став дури и ако другите земји одлучат да постапат поинаку.
Претседателот на Украина, Володимир Зеленски бара од сојузниците на Украина да и обезбедат оружје со долг дострел за да може да ги нападне руските логистички и воени аеродроми лоцирани далеку зад линијата на фронтот, дури и на руска територија.
Оружјето со најдолг дострел што Германија досега го испрати во Киев е ракетниот фрлач Марс II, кој може да погоди цели на оддалеченост од 84 километри.
ПОВРЗАНИ ВЕСТИ
Дете од Дебар е тешко повредено во…
Возач на автомобил вчера во Дебар удрил…
Се гради најголемата пловна населба во Европа!
Најголемата пловна населба во Европа наскоро би…
„Макрон секогаш сфаќа погрешно“ – Трамп го…
Американскиот претседател Доналд Трамп на својата социјална…
Јаневска: Над 13.200 пријави за упис во средно…
Министерката за образование, Весна Јаневска на својот…
Во мај пријавени се три случаи потврдени…
Во текот на мај, во државава пријавени…