Шолц: Не исклучувам можност повторен контакт со Путин

Германскиот канцелар Олаф Шолц изјави дека не ја исклучува можноста за повторен контакт со рускиот лидер Владимир Путин.
„Отсекогаш сум велел дека повторно ќе разговарам со него, но потребно е вистинскиот момент. Треба да имаме за што да разговараме за да има смисла“, рече тој.
Според него, преговорите имаат смисла кога има конкретна тема за која треба да се разговара, што е токму причината што досега немало никаков контакт.

Да потсетиме, Путин вчера изјави дека, за да започнат мировните преговори, Украина мора да ги повлече своите трупи од целата територија на новите руски региони и да се откаже од намерата да влезе во НАТО.
Во Швајцарија денеска почнува дводневен мировен самит за Украина на кој ќе учествуваат 100 делегации од целиот свет, но без учество на Русија.

Share on Facebook

Tweet

Follow us

Save