INFOMAX.MK

Германскиот канцелар Олаф Шолц денеска изјави дека новите ескалации на Косово мора да се сфатат сериозно, дека нападите врз косовската полиција се неодговорни и дека претходно постигнатите договори не треба да бидат загрозени од новонастанатата ситуација, пренесуваат германските медиуми.
Ова Шолц го изјави денеска во Тирана, каде се одржа Самитот на Берлинскиот процес.

„Мораме многу сериозно да ги сфатиме новите ескалации. Нападите врз полицијата во Косово се неодговорни. Претходните договори не треба да бидат загрозени“, рече тој.

Според германските медиуми, Шолц ги барал вистинските зборови и изјавил дека има доволно вербални мински полиња, дека Хамас во Појасот Газа донел „драматична ситуација на Блискиот Исток“ со своите страшни напади врз Израел и дека Русија останува главната закана за Европа со нејзината војна.против Украина.

Тој посочи дека земјите од Западен Балкан мора да се зближат и предупреди дека е време да се надминат конфликтите кои траат предолго и само ги кочат земјите од регионот.