INFOMAX.MK

Според податоците на Министерството за одбрана на Русија, Украина загубила повеќе од 115.000 војници за помалку од два месеци, а тоа можело да се избегне доколку Киев ги прифатил предлозите на рускиот претседател Владимир Путин, изјави секретарот на Советот за безбедност на Русија, Сергеј Шојгу.

„Во изминатите два месеци, територијата контролирана од нашите сили се прошири за 420 квадратни километри. Според Министерството за одбрана, украинските сили изгубиле повеќе од 115.000 свои војници. Тоа е голема бројка. Речиси 60.000 за еден месец, а можеше да биде запрен доколку се исполнат барањата што ги презентираше нашиот претседател. Затоа нашиот став е јасен – војниците одат напред“, рече Шојгу.

Тој додаде дека Украина загубила повеќе од 3.000 единици оклопни возила и повеќе од 3.000 возила.

Шојгу изјави дека „Западот, а во последно време и неговите украински слуги, се обидуваат по секоја цена да постигнат пауза во борбените операции, така што киевската хунта ќе има можност да се прегрупира“.