Ѓоковиќ води против Циципас во финалето на Австралија опен

Најдобриот српски тенисер Новак Ѓоковиќ денеска го игра своето десетто финале на Австралија опен против Гркот Стефанос Циципас. Во случај на триумф, Ѓоковиќ би ја освоил 22. Грен слем титула во кариерата, со што би се израмнил со Рафаел Надал по бројот на најважните трофеи.

Победникот од денешниот меч ќе го заземе првото место на АТП листата, детронизирајќи го Карлос Алкараз по 20 недели. Поразениот финалист од Мелбурн ќе биде третопласиран на АТП листата. Ѓоковиќ и Циципас досега се сретнале 12 пати, од кои еднаш во финалето на Ролан Гарос, а Србинот води со 10-2 во победи.

На патот до финалето, Ѓоковиќ ги победи Роберто Карбалес Баена, Енцо Куако, Григор Димитров, Алекс де Минор, Андреј Рубљов и Томи Пол. Српскиот тенисер беше убедлив, а досега во текот на турнирот загуби само еден сет – од Французинот Енцо Куако.

Циципас досега во Мелбурн ги елиминираше Квентин Хали, Ринки Хиџиката, Талон Грикспор, Јаник Синер, Јуржи Лехечка и Карен Хачанов.

Прв сет (6-3)

Финалето започна со сервис на Ѓоковиќ, а српскиот тенисер беше сигурен на својот сервис. Веќе во вториот гем Новак имаше шанса за брејк, но не успеа да ја искористи. Вториот гем Ѓоковиќ го зема убедливо, а веќе во следниот гем ја исправа грешката и го добива првиот брејк во мечот. Српскиот тенисер успеа да го потврди брејкот и да поведе со 4:1. Ѓоковиќ за малку ќе го изведеше вториот брејк во првиот сет, но грчкиот тенисер профитираше од добриот сервис, намалувајќи на 4-2. Во следните гемови и двајцата тенисери ги бранеа сервисите, а при резултат 5-3 Ѓоковиќ сервираше за првиот сет кој го доби по само 36 минути игра.

Share on Facebook

Tweet

Follow us

Save