Ѓоковиќ: Обнова на Југославија е идеално сценарио

Тенисерот Новак Ѓоковиќ во интервју за американски „Џи-кју“ се осврна на темата Југославија и истакна дека би сакал да ја види таа земја обновена, иако знае дека тоа не е можно.
Говорејќи на многу теми, Новак Ѓоковиќ зборуваше и за сличностите меѓу земјите од поранешна Југославија, а во таа прилика рече и дека би било убаво сите тие места денес повторно да бидат истата земја.

„Ако ги погледнете нашите народни носии, музиката, игрите, храната. Истото! Само различни зборови го опишуваат. Затоа сум поддржувач да се приближиме што е можно повеќе. И дали е можно повторно да станеме истата држава? Мислам дека тоа не е реално можно. Но, ништо не е невозможно. Затоа велам, ако докажеме дека имаме исти корени, иста историја, дека потекнуваме од исти племиња, тогаш можеби тоа би ги раздвижило луѓето. Во најлудите соништа, тоа би било идеалното сценарио. Би рекол дека е совршено сценарио. Зошто да не? Ако сите зборуваме ист или многу, многу сличен јазик, совршено се разбираме“, изјави Новак.

„Тоа е целата идеја. Разбирам дека денес сме во различни земји. Но, се надевам дека можевме да сфатиме дека имаме многу заедничко, историски и културно и дека тоа можеби повторно би можело да не обедини во една нација“, изјави српскиот ас.
Српскиот ас сепак е свесен дека ова сценарио не е реално.

„Не сум сигурен, веројатно и самиот се сомневам во таа можност. Но, тоа барем би ги зближило луѓето и би сакал да видам помирни и пријателски односи во регионот. Соработка, затоа што сега секое лето, кога се приближуваат тие големи датуми, сите тие годишнини од војни, само потсетуваат на тоа. Медиумите и политичарите продолжуваат да инсистираат на тоа, секоја година се посилни и посилни. И така е сосема невозможно да се приближиме. Само се оддалечуваме. Не велам дека луѓето треба да заборават. Многу е тешко да се побара тоа од луѓето. Тоа мора да се памети, жртвите секогаш мора да се паметат, но дали така одиме напред“, се запраша Ѓоковиќ.
Најдобриот на сите времиња тогаш објасни зошто навивал за Хрватска на СП 2018 година.

„Отсекогаш сум бил пацифист во мојот пристап и однесување кон сите луѓе и народи во регионот, бидејќи порано бевме во иста состојба. Кога јавно ја поддржував Хрватска за време на Светското првенство во 2018 година, многумина во мојата земја, дури и највисоките претставници на власта, ме критикуваа. Меѓутоа, во мојот случај тоа е прилично едноставно. Семејството на мајка ми е од Хрватска. Таа е родена во Белград, но сите се Хрвати. Од страната на таткото тие се од Црна Гора и Косово. Роден сум во Србија. Така, јас секогаш се однесувам кон сите исто. „Имам таков пристап дека ако некогаш бевме заедно како еден народ, имаме толку многу културни, традиционалистички врски како јазикот, зошто да не се фокусираме на тие работи“, рече Ѓоковиќ.

Share on Facebook

Tweet

Follow us

Save