Ѓоковиќ ќе игра и на турнирот во Доха

Новак Ѓоковиќ ќе игра на турнирот од серијата 500 во Доха, потврдија организаторите. Оваа вест е само уште еден доказ дека српскиот ас има големи планови за следната сезона.
Навивачите на Новак Ѓоковиќ немаа голема шанса да го гледаат српскиот ас минатата сезона, но тоа ќе се промени во наредната година бидејќи великанот на сите времиња сака да игра многу повеќе.

– Лани, по Австралија опен, Новак го видовме дури во март на Индијан Велс, но оваа година ќе игра и во февруари бидејќи организаторите на турнирот во Доха го потврдија неговото учество.
Чест ни е да го пречекаме Новак Ѓоковиќ назад во Доха на Катар Опен во 2025 година. Неговото враќање, особено во првата година на турнирот како настан на АТП 500, додава огромна вредност. Новак е феноменален спортист кој секогаш воодушевува со својата умешност и натпреварувачки дух. Неговата силна поврзаност со Доха, откако победи овде двапати, го прави неговото учество уште повозбудливо за навивачите. Едвај чекаме да го видиме да ја донесе својата извонредна игра во меѓународниот тениски комплекс Калифа“, рече Карим Алами, директор на турнирот.

Турнирот во Доха во претходните години беше дел од турнирите од серијата 250, а од следната година ќе означи историска промена.
Иако фокусот на Новак ќе бидат Грен слемовите, тој ќе се подготвува за нив на Мастерсот и помалите турнири, на кои лани не играше многу. Ова е показател дека српскиот ас нема намера да запре ниту на 37 години.
Сезоната за великанот на сите времиња започнува во Бризбејн на 29 декември, а потоа се сели во Мелбурн каде ќе се обиде за 11-та титула на Австралија опен, кој започнува на 12 јануари.

Share on Facebook

Tweet

Follow us

Save