INFOMAX.MK

Договорена е соработка помеѓу општина Кисела Вода и турската фондација ,,Маариф”.

Бевме домаќини на претседателот на турската фондација во Македонија – ,,Маариф”, Мехмед Баран, директорот на кампусот во Скопје Зекерија Арслантурк и нивниот асистент Нуман Идриз.

На средбата бев запознаен со работата на фондацијата која е основана од Владата на Република Турција и е единствениот правен субјект од оваа земја, овластен да обезбедува образовни активности ширум светот.

Бев информиран и за функционирањето на кампусот во Скопје во чиј состав работат градинка, основно и средно училиште, а наставата се одвива на англиски јазик. Покрај тоа, на овој работен состанок разменети беа повеќе идеи околу можностите за соработка и сферите во кои таа е можна.

Во добро расположение и со првичен договор за реализација на повеќе можни проекти, финишираше оваа средба на која ми беше врачен симболичен подарок-сувенир кој симболизира вечно пријателство.

Инаку, од своето основање, фондацијата ,,Маариф” застапува 340 училишта во 42 земји.

Во Македонија се присутни од 2018-тата, а наставата во скопскиот кампус се одвива од оваа учебна година.