Јокиќ 21 минута беше без поен, па се разбуди и дојде до нов трипл-дабл

Српскиот кошаркар Никола Јокиќ оствари уште еден трипл-дабл, сега во победата на Денвер против Њу Орлеанс по продолженија со резултат 132:129.

Она што е посебно интересно е што Јокиќ во првите 21 минута од натпреварот не постигна ниту еден поен.

Првите поени ги постигна од линијата за слободни фрлања кога намали на 47-59, а до крајот потоа уфрли 26 поени и додаде уште 14 скока и 10 асистенци. За Србинот ова беше десетти трипл-дабл во сезоната.

Кога е натпреварот во прашање Денвер губеше и со 93-81, но откако Јокиќ се разбуди и тие успеаа да се вратат, па и да поведат со 109-107. Сепак, на крајот дуелот се решаваше ов продолжение каде што Нагетси беа подобриот тим.

За издвојување исто така е настапот на Џамал Мареј кој постигна 26 поени и постигна кош на 8.8 секунди пред крајот за да донесе продолжение за својот тим. Вестбрук додаде 21.

На останатите две средби Хјустон славеше над Торонто со 114-110, додека Индијана на гости го совлада Сакраменто со 95-122.

Share on Facebook

Tweet

Follow us

Save