INFOMAX.MK

Потпретседателката на Бугарија, Илијана Јотова во Варна изјави дека е време за средба меѓу владите на Бугарија и Република Македонија и побара да се преземат посериозни мерки по последниот инцидент со “граѓанин со бугарски идентитет” кој беше нападнат во Струга.

Доставувањето нота до македонскиот амбасадор таа го оцени како недоволна акција, бидејќи има информации дека се подготвува текст за промена на уставот на Македонија, но во пракса нема никаков развој.

Потпретседателката Јотова повика да не заборавиме дека, покрај Уставот на РМ, треба да има измени и според потпишаните заеднички протоколи, кои зборуваат за промени во учебниците, оценување на историски датуми и личности и отворање на досиеја, но ништо од ова не е направено, пренесува БНТ.

-„Не се осмелувам ни да помислам дека новата бугарска влада ќе отстапи од веќе воспоставената бугарска позиција, која не е само на официјалниот кабинет, туку и на претседателската институција и на Народното собрание. Ако Бугарија, со новото министерство за надворешни работи и со новата влада, ја преиспита својата позиција – сега да ги почнеме преговорите и работите ќе се регулираат сами по себе, бидејќи, патем, повеќе од една се слушаат такви „совети“ – ова значи национално предавство“, рече потпретседателот.