Ѝ се јавиле „од банка“, а ѝ украле 160.000 евра – 69-годишна жена брутално измамена преку телефонски повик!

69-годишна жена стана жртва на телефонска измама и изгуби 160.000 евра откако добила повик од лице што се претставило како вработено во нејзината банка. Повикот изгледал крајно убедливо – на екранот ѝ се појавил официјалниот број на банката, што ја наведло да им ги открие своите лични податоци за пристап и TAN кодови.

Измамниците продолжиле со испраќање QR кодови преку апликација за пораки, преку кои жената генерирала нови TAN кодови и ги споделила со нив. Следниот ден, открила сомнителни трансакции на својата банкарска сметка и веднаш ги блокирала сите банкарски услуги, но веќе било доцна – сумата од 160.000 евра била повлечена.

Полицијата ја потврди оваа измама како „spoofing“ – техника каде што телефонскиот број се лажира така што изгледа дека повикот доаѓа од доверлива институција. Властите апелираат граѓаните да бидат многу внимателни и никогаш да не ги споделуваат своите банкарски податоци преку телефон, дури и ако бројот изгледа познат.

Апел до граѓаните:

Никогаш не давајте TAN кодови, лозинки или лични податоци преку телефон.
Доколку добиете сомнителен повик од „банка“, веднаш прекинете ја врската и јавете се сами преку официјалните контакти.
Банкарските институции никогаш нема да бараат такви информации по телефон.
Полицијата продолжува со истрага, а граѓаните се повикуваат на зголемена претпазливост и внимателна проверка на секоја сомнителна комуникација.

Share on Facebook

Tweet

Follow us

Save