13,5% излезеност на изборите во Бугарија до 11 часот

До 11 часот наутро, излезноста на гласачите во Бугарија за денешните парламентарни избори била 13,5%. Ова е релативно висок процент, со оглед на тоа што во 2024 година, на изборите „2 во 1“, излезноста на гласачите била 10,4%.

Очекувањата за поголема излезност на гласачите и можна мобилизација во последните денови беа дискутирани на БТВ од страна на социолозите Добромир Живков од „Маркет линкс“ и Борјана Димитрова од „Алфа рисрч“.

Добромир Живков рече дека се очекува излезноста да биде околу 60% и не ја исклучи можноста за дополнително зголемување на денот на изборите. Според него, значителен дел од гласачите ја донесуваат својата одлука во последните денови пред гласањето. „Околу 15-18% велат дека ја донесуваат својата одлука во последните 3-4 дена. Значи, можете да замислите за каков сериозен обем на гласачи зборуваме“, рече Живков.

Share on Facebook

Tweet

Follow us

Save