18 години затвор за Ангелчо Николов кој ја прегази 11-годишната Магдалена

Вкупно 18 години затвор му беа пресудени на велешанецот Ангелчо Николов кој под дејство на алкохол во декември со огромна брзина удри мајка и ќерка на пешачки премин во Велес, при што 11 годишната Магдалена почина.

Обвинетиот безобзирно го напуштил местото на несреќата, се криел повеќе од 30 часа, не се интересирал што се случило со оштетените. Самото пријавување судот не го зема како олеснителна околност. Двапати е казнуван за возење во алкохолизирана состојба. Признавањето на вината не се зема како олеснителна околност, затоа што судот не стекна предвид дека има кај него жалење и каење. Судот донесе пресуда – Ангелче Николов на 17.12.2022 управувајќи автомобил „мерцедес“ стори тешки дела против безбедноста на луѓето и имотот во сообраќајот и неукажување помош на повредени лице во сообраќајна незгода, па за двете дела се осудува на единствена казна затвор 18 години, соопшти Судскиот совет денска на судењето во Велес.

Обвинетиот доби и забрана за управување со моторно возило во траење од 5 години, без да се земе предвид времето поминато во затвор, како и да ги плати трошоците на постапката.

За одлуката на Фејсбук извести и адвокатот Јанаки Митровски:

Фото: Телма