30 дена притвop за возачот кој ја пpeгази 24- годишната Викторија
![t](https://infomax.mk/wp-content/uploads/2022/01/soobrakajka-siti-mol.jpg)
Судија на претходна постапка вечерва донесе решение за изрекување мерка 30 дена притвор за 22- годишниот скопјанец, кој со возило Цитроен ја прегази 24- годишната радовишанка на прешачки премин кај Сити Мол.
„По произнесување на осомничениот во присуство на неговиот бранител во однос на предлогот на ЈО, судија на претходна постапка донесе решение со кое го прифати предлогот на ЈО и на осомничениот му определи мерка притвор во траење од 30 дена заради постоење на опасност од бегство, влијание на сведоци и можност да го повтори делото.“, соопштуваат од Обвинителството.
Возачот кој синоќа на Партизанска ја прегази 24 годишната Викторија Николова од Радовиш беше приведен во полициска станица. Како што информираат од МВР, по налог на обвинителството се проверува дали возел под дејство на алкохол или психотропни супстанци, како и брзина со која се движел и дали поминал на црвено… Сообраќајката се случи кај Сити Мол пред 20 часот, во моментот кога девојката преминувала улица на пешачки премин заедно со уште едно момче, автомобил „Цитроен“ управуван од 22 – годишник ја прегазил и ја фрлил неколку метри со што таа се здобила со повреди од кои починала на самото место.
Според засега неофицијалните информации, автомобилот кој ја удрил девојката претекнувал друг автомобил кој застанал на пешачкиот премин.
ПОВРЗАНИ ВЕСТИ
Трагедија: Маж загина по удар од приколка…
Шеесет и петгодишен жител на село Младо…
Трагедија: Жена од Македонија загина во тешка…
Во страшна сообраќајка што вчера се случила…
Активни се пожарите во Чашка, Велес, на…
РЦУК Велес, известува дека шумски пожар на…
Човек загина по удар од воз кај…
На железничката пруга кај булеварот „Србија“, синоќа…
Изгубено 3-годишно девојче во Неа Флогита, се…
Во познатото туристичко место Неа Флогита, Грција…