Кривична пријава против градоначалникот на Охрид

Иако имале негативни тестови, поради постоење основи на сомнение за сторено кривично дело „непостапување според здравствените прописи за време на епидемија”, СВР Охрид до надлежното обвинителство поднесе кривична пријава против К.П.(37) и А.К.(37), двајцата од Охрид.

Пријавените, на 19.01.2022 година се тестирале за дијагностицирање на Корона вирус и, наместо во самоизолација, согласно одлуките за превентивни препораки за заштита на здравјето на населението од заразната болест, истиот ден, присуствувале на јавната верска манифестација по повод верскиот празник „Богојавление- Водици 2022 година“ одржана во Охрид.

Градоначалникот на Охрид, Кирил Пецаков, добил позитивен наод на тест за Ковид-19 на испитувањето направено на богојавленските свечености во Охрид на кои лично присуствуваше, а кој го направил утрото.

На повтореното тестирање резултатите биле негативни.

И двете тестирања биле спроведени во истата установа – во Центарот за јавно здравје во Охрид.

Пецаков на својот фејсбук-профил појаснува дека не чувствувал никакви симптоми, но оти ПЦР тестирањето го направил заради потреба од патување во странство.

Слично беше и со случајот на секретарот на Оштината, Александар Китески, кој исто така добил позитивен, па негативен резултат на тестирањето за Ковид-19 спроведено исто така заради потреба од патување надвор од земјата

Share on Facebook

Tweet

Follow us

Save