Пановски му одговори на Сали: Се знае како се поканува, прво треба да се разговара, па потоа се објавува

Канал 5 се обиде да добие став од тројцата доктори во однос на поканата на министерот Сали, но одговор досега успеавме да добиеме од докторите Никола Пановски и Вело Марковски.

Пановски забележува на начинот на кој е поканет, односно преку социјалните мрежи.

-Се знае каков е начинот за тоа, прво се разговара, па се објавува. На Фејсбук тој може што сака да пишува, вели Пановски за Канал 5.

Сличен став има и доктор Марковски. Нагласува дека е несериозно да се покануваат експерти преку Фејсбук. Тој додава дека Комисијата е советодавно тело на министерот, без суштинско влијание на било какви мерки.

-Јас во 2020 година предложив Комисија за Ковид-19 како владино тело чии одлуки ќе бидат задолжителни, вели Марковски за Канал 5.

Доктор Даниловски неодамна соопшти дека нема намера да биде дел од Комисијата и да ја жртвува својат автономија, појаснувајќи дека Комисијата нема ингеренции да носи извршни одлуки, туку само заклучоци, кои му ги предлага на министерот.

Share on Facebook

Tweet

Follow us

Save