Путин одговори на изјавата на Зеленски за референдум во Украина

Русија вели дека идејата на Киев да ги постави условите за мировен договор на референдум само ќе им наштети на тековните разговори. Москва започна воена кампања против Украина кон крајот на минатиот месец.

„Убедени сме дека ставањето [условите] пред јавноста во овој момент може само да ги поткопа преговорите кои веќе одат многу побавно и се помалку суштински отколку што сакаме да бидат“, рече во вторникот портпаролот на Кремљ, Дмитриј Песков.

Украинскиот претседател Володимир Зеленски претходно посочи дека мировните услови од „историска“ важност може да бидат тема на референдум. „Народот ќе мора да одговори на одредени … компромиси“, им рече тој на новинарите во понеделникот, додавајќи дека деталите сè уште зависат од разговорите со Москва.

Русите и Украинците одржаа неколку рунди разговори во Белорусија, а подоцна се префрлија на разговори преку видео врска.

Share on Facebook

Tweet

Follow us

Save