INFOMAX.MK

Грчкото општество е длабоко поделено кога станува збор за конфликтот помеѓу Русија и Украина.

Токму ова го покажуваат и најновите вести од нашиот јужен сосед, фотографија на која се гледа како членови на комунистичката партија блокираа воз на кој се превезуваше оружје на НАТО за потребите на Украина.

Погледнете:

Членови на грчката комунистичка партија и левичарски движења, блокираа воз кој носеше НАТО оружје 👌 pic.twitter.com/b9aVfEJPDk

— ̗̃͗͜ ͖͔͌̾ ͚̹͒̏ ̰̝͢ѓ̬̞ур͉͇̂͡о̥̗̓̿ ̪͓̓͡ ͖͔͌̾ ̰̪ (@gjur0ml) April 7, 2022

Пред неколку дена Грчките левичарски активисти ги нападнаа конвоите на НАТО и американските сили.

Нападите беа насочени кон оклопни возила испратени во Полска со воз.

Во пристаништето во Александрополис во последните денови истоварени биле американски оклопни возила, а оттаму со железница се транспортираат во Полска.

Комунистичката партија на Грција побара железницата да одбие да опслужува возови кои превезуваат американска и НАТО опрема.

Слобода или смрт велеа вашите револуционери, истото го велиме и ние сега, бидејќи се соочуваме со желба да се уништи Украина, порача претседателот на Украина Володимир Зеленски за време на неговиот говор, преку видеоконференција, во грчкиот Парламент и паралелно истакна дека на Украина и треба помош, потребно ѝ е оружје, но и бродовите и танкерите од руски интерес да немаат пристап до европските пристаништа.

На седницата свикана за говорот на Зеленски присутни беа грчкиот премиер, претседателката на Грција, амбасадорот на Украина и пратениците на Нова демократија, СИРИЗА и Движење за промена, додека пак Комунистичката партија и десничарската Грчко решение отсуствуваа и го бојкотираа настанот.