Шолц: Руското ембарго за гас нема да донесе мир во Украина

Исполнувањето на желбата на Киев итно да воведе забрана за увоз на руски гас не е целисходно и може да доведе до тешки последици за многу земји, изјави германскиот канцелар Олаф Шолц во интервју за Шпигел.

Според него, таквата мерка нема да помогне да се запре конфликтот во Украина. Тој го критикуваше и мислењето дека Берлин, продолжувајќи да купува руски гас, ја спонзорира воената операција на Москва.

„Поентата е дека сакаме да избегнеме драматична економска криза, губење на милиони работни места и фабрики кои никогаш повеќе нема да се отворат. Од тоа нашата земја и цела Европа би претрпеле сериозни последици, а тоа сериозно би се одразило на финансирањето на новата Украина. Затоа сум должен да кажам: тоа не можеме да го дозволиме“, изјави Шолц.

Share on Facebook

Tweet

Follow us

Save