Инфлацијата во Германија на највисоко ниво во изминатите 40 години!

– Цените во Германија се зголемија со најбрзо темпо во изминатите
четири децении, покажаа податоците објавени денеска, пред се поради руската инвазија врз Украина што влијаеше врз зголемување на цените на енергенсите. Инфлацијата се искачи на 7,4 отсто во април од 7,3 отсто во март, според федералната агенција за статистика Дестатис.

„Цените на енергијата, значително се зголемија од почетокот на војната во Украина“ со штетно влијание врз инфлацијата, се вели во соопштението на Дестатис.

Последен пат цените пораснаа со побрзо темпо во Западна Германија во есента 1981 година, поради Иранско-ирачката војна што беше причина за „нагло зголемување на цените на нафтата“.

Share on Facebook

Tweet

Follow us

Save