Цело е кога има се: Се скараа Руската православна црква со Ватикан – Папата лаже

Руската православна црква смета дека изјавата на папата Франциско во врска со неговиот неодамнешен разговор со патријархот московски и на цела Русија Кирил за ситуацијата во Украина не е точна.

„За жалење е што месец и половина по разговорот со патријархот Кирил, папата Франциско избра погрешен тон за пренесување на содржината на тој разговор. „Ваквите изјави тешко можат да придонесат за воспоставување на конструктивен дијалог меѓу Римокатоличката и Руската православна црква, што е особено неопходно во моментов“, се вели во соопштението на Службата за комуникација на Одделот за надворешни црковни односи на Руската православна црква.

Папата Франциск изјави дека побарал средба со рускиот претседател Владимир Путин во Москва, за да разговара за запирање на војната во Украина, но не добил одговор.

Папата вели дека околу три недели по војната, тој побарал од највисокиот дипломат на Ватикан да испрати порака до Путин за организирање состанок.

– Се уште не добивме одговор и се уште инсистираме. Се плашам дека Путин не може, и не сака, да ја има оваа средба во овој момент. Но, како не можете да престанете со толку бруталност?, вели папата во интервју за италијанскиот весник „Кориере де ла сера“.

Share on Facebook

Tweet

Follow us

Save