Осудените од „Диво Насеље“ штрајкуваат со глад – Спасовски: Треба да провериме дали исполнуваат услови

Осудените лица од предметот „Диво Насеље“ штрајкуваат со глад.

Оваа одлука е донесена откако им било скратено правото на семејни посети и одење дома за време на викендите.

Директорот на Управа за извршување на санкции Марјан Спасовски денеска на прес конференција истакна дека мора да се направи јасна дистинкција меѓу право и погодност.

„Сите права на осудени лица од КПУ Затвор Скопје, како и во други казнено поправни установи или домови, им се дозволени. Што се однесува до погодностите, треба да извршам увид во нивните лични досиеа за тоа дали исполнуваат услови, и доколку исполнуваат да видиме како ќе следи нивниот процес на ресоцијализација и дали користат одреден вид погодности“, вели Спасовски.

Според него, овие осудени лица се во овој затвор бидејќи само таму има одделение за лица со висок безбедносен ризик бидејќи станува збор за установа од полу-отворен тип.

Share on Facebook

Tweet

Follow us

Save