Шведска во НАТО но со два услова, да нема бази и нуклеарно оружје на нејзина територија

Шведската владејачка Социјалдемократска партија вчера објави дека го поддржува влезот на земјата во НАТО, но со два услова – на нејзина територија да нема нуклеарно оружје, ниту постојани бази на тој воен сојуз.

„Претседателството на Социјалдемократската партија одлучи да работи на апликацијата на Шведска за членство во НАТО, а доколку биде прифатена, ќе ја задржиме резервацијата за распоредување нуклеарно оружје и постојани бази на НАТО на наша територија“, објави Би-Би-Си во соопштениет, по партиската лидерска средба.

На прес-конференцијата што следеше, премиерката Магдалена Андерсон рече дека одлуката за аплицирање за членство во НАТО не е насочена против Русија, туку е оценета како најдобра за Шведска.

Ако Шведска биде единствената во балтичкиот регион што ќе остане надвор од НАТО, ќе биде многу ранлива, рече Андерсон.

Share on Facebook

Tweet

Follow us

Save