Зеленски со навреди: Однесувањето на поранешниот германски канцелар е одвратно

Украинскиот претседател Володимир Зеленски изјави дека однесувањето на Герхард Шредер е одвратно, откако поранешниот германски канцелар отиде во Москва минатата недела и тврдеше дека Русија сака да „преговара за решение за војната”, пишува Гардијан.

Украинскиот претседател го коментираше ова во средата за време на своето ноќно видео обраќање, откако Шредер за германските медиуми изјави дека нема за што да се извинува поради своето пријателство со Владимир Путин.

„Едноставно е дегутантно кога поранешни лидери на големи држави со европски вредности ја поддржуваат Русија, која води војна против истите тие принципи“, рече Зеленски.

Во петчасовното интервју за Стерн и РТЛ, Шредер директно не ги коментираше размислувањата на рускиот лидер. Сепак, тој рече дека по разговорот со Путин смета дека конфликтот со Русија може да се реши, но дека се потребни дополнителни преговори кои треба да ги водат Германија и Франција.

Тој додаде дека Западот треба да покаже поголемо разбирање кон „вистинските стравови на Русија, која се плаши од притисокот на непријателските земји“.

Share on Facebook

Tweet

Follow us

Save