Утрово тешка сообраќајка на „Партизанска“, повредени три лица!

Рано утрово околу 4 часот се случила сообраќајна несреќа помеѓу две патнички возила на крстосница од бул. „Партизански одреди“ и бул. „Св.Климент Охридски“ во Скопје.

Во несреќата учествувале возило „мерцедес“ со скопски регистарски ознаки, управувано од А.Б.(25) од с. Црн Врв, скопско и патничко моторно возило „пежо“ со скопски регистарски ознаки, управувано од Б.Т.(39) од Скопје.

По несреќата, возачот А.Б. бил пренесен во Градската општа болница „8-ми Септември“ каде од лекар му биле констатирани телесни повреди, а возачот Б.Т. и неговиот сопатник Т.В.(53) од Скопје биле пренесени во Комплекс клиники „Мајка Тереза“ каде од лекар на Б.Т. му биле констатирани телесни повреди, а на сопатникот Т.В. му биле констатирани тешки телесни повреди.

Увид на местото на настанот извршила екипа од СВР Скопје.

Share on Facebook

Tweet

Follow us

Save