Тажна вест: Почина Александар Поповски, партизан и долгогодишен претседател на Здружението на Македонците од Егејскиот дел на Македонија

Почина Александар Поповски, Македонец од Егејска Македонија, партизан, учесник во Граѓаската војна во Грција и долгогодишен претседател на Здружението на Македонците од Егејскиот дел на Македонија, објави Фејсбук страната “Егејскиот дел на Македонија”.

– Почина Александар Поповски…

Бог да го прости, сочувство до семејството.

Александар Поповски (15 февруари 1932, с. Долно Котoри, Леринско – 13 ноември 2022, Битола) македонски партизан, учесник во Граѓанската војна во Грција.

Александар потекнувал од револуционерна фамилија. Тој во партизани заминал на 17 години, бил во составот на младинска елитна чета и учествувал во сите поголеми битки. Бил апсен, мачен… Во 1947 година бил курир на партизаните, а од март 1948 година се борел. Учествувал и во битката на Грамос, која започнала на 17 јуни, а завршила на 21 август. На 24 септември Александар бил тешко ранет. По лекувањето во Албанија, се вратил повторно назад и се борел во четата на Ѓорѓи Пејков. Учествувал во трагичната битка за Лерин. Александар Поповски неколку години во Ташкент ги чувал првите луѓе на КПГ и генералите што се повлекле по поразот. Поповски во Ташкент останал 9 години, каде што се школувал во тамошната воена академија.

Поповски долги години бил на чело на Здружението на Македонците од Егејскиот дел на Македонија во Битола и ги организирал познатите средби во Трново, стои во објавата на Фејсбук.

Share on Facebook

Tweet

Follow us

Save