Двајца затвореници најдени мртви во „Идризово“

Двајца затвореници од Скопје биле најдени починати во затворот „Идризово“.

Како што објави МВР, едниот починал синоќа по 3 часот по полноќ, додека вториот бил пронајден починат во текот на вчерашниот ден.

Во првиот случај, станува збор за 50-годишен скопјанец кој издржувал казна затвор од 11 години. Другиот имал 82-години, иницијали Б.А., истотака, од Скопје.

Според информациите од полицијата, кај двајцата немало видливи траги на насилство.

По наредба на Јавен обвинител телата на починатите се дадени на обдукција, велат од МВР.

„Макфакс“ во текот на целиот ден бараше одговори од директорот на затворот Зоран Јовановски кој рече дека ќе ги достави писмено, а потоа беше недостапен.

Share on Facebook

Tweet

Follow us

Save