INFOMAX.MK

Најавата на Кина дека од 1 август ќе воведе контрола на извозот на ретките метали галиум и германиум ги потресе пазарите.

Клиентите кои купуваат производи од галиум веќе почнаа да складираат залихи, пишува Ројтерс.

Најголемиот светски купувач на галиум, германската компанија Freiberger Compound Materials, тврди дека нејзините клиенти складираат специјални полупроводници направени од овој метал.

„Моите клиенти се вознемирени и сакаат да ги зголемат залихите на галиум. Бројот на нарачки се зголемува, а целата индустрија е на работ“, рече шефот на оваа германска компанија, Мајкл Харц.

Производителите на автомобили се во дилема, бидејќи не знаат дали можат да продолжат да се потпираат на галиумот, кој е многу важен за производството на електрични возила (ЕВ).

Се проценува дека Freiberger Compound Materials купува 10 отсто од глобалното производство на галиум и речиси целосно се потпира на добавувачи од Кина.

Оваа компанија има годишна продажба од 70 до 80 милиони евра, како и 65 отсто удел на пазарот на нафора со галиум арсенид, кој се користи во производството на паметни телефони или црвени LED диоди.

Се очекува Кина да ги прекине пратките на галиум и германиум на 1 август и да продолжи со трговијата со тие метали околу еден месец подоцна, кога ќе ги обработи барањата за лиценца на извозниците.

Харц не верува дека Кина целосно ќе ја прекине трговијата со галиум во следните неколку години, бидејќи тоа ќе и наштети на сопствената електронска индустрија.

Major chipmakers played down the impact of China’s move to control exports of key metals. Earlier in the week, Beijing said it would restrict exports of gallium and germanium. The two elements are vital to the chipmaking process https://t.co/BiegdnGzM6 pic.twitter.com/AE6sqSra7z

— Reuters (@Reuters) July 6, 2023