INFOMAX.MK

Најмалку 27 лица загинаа во експлозија и пожар на бензинска пумпа во Дагестан, руска република на Кавказ, соопшти утринава руското Министерство за вонредни ситуации.

Во експлозијата се повредени 102 лица, од кои 27 загинале, се вели во соопштението на министерството на Телеграм.

Пожарот кој се прошири на околу 600 метри квадратни е изгаснат.

Истрагата за причините за експлозијата е во тек.

27 people died and 102 were injured as a result of the explosion in #Makhachkala, stated the head of #Dagestan Sergey Melikov. pic.twitter.com/tuVLOOOl09

— NEXTA (@nexta_tv) August 15, 2023

Медиумите пренесуваат дека во експлозијата на бензинска пумпа во јужниот руски регион Дагестан меѓу загинатите има и три деца, повикувајќи се на регионалните здравствени власти.

Тринаесет од ранетите се деца, пренесе Интерфакс, повикувајќи се на Министерството за здравство на Дагестан.

Како што соопштија властите, пожарот избувнал во продавница за поправка на автомобили на автопат во главниот град на Дагестан, Махачкала, лоциран на Каспиското Море.

„Тука е како војна“, изјави сведок за новинската агенција Ројтерс.

Авионот е испратен во Махачкала за да ги евакуира тешко повредените во Москва, соопшти руското Министерство за вонредни состојби на апликацијата за пораки Телеграм.

Експлозијата се случила во понеделникот вечерта во 21:40 часот по локално време, изјави на Телеграм Сергеј Меликов, шеф на администрацијата на Дагестан.

„Ги истражуваме причините за експлозијата“, додаде тој.

На пожарникарите им биле потребни повеќе од три и пол часа да го изгаснат пожарот, јави државната новинска агенција ТАСС, повикувајќи се на соопштение на руската служба за итни случаи.

BREAKING – Russia: A powerful explosion at a service building of a gas station close to an oil depot in the city of Makhachkala, Dagestan. pic.twitter.com/3EapsxcPYo

— Jack Straw (@JackStr42679640) August 15, 2023