Експлозија во Москва: Се урна зграда, еден загинат, двајца се исчезнати

Едно лице загина, а уште две се водат за исчезнати под урнатините, по експлозија на гас во катна станбена зграда во градот Балашиха кај Москва, пренесе РИА Новости, повикувајќи се на итните служби.

Според зборовите на регионалниот гувернер на Москва, Андреј Воробјов, експлозијата се случила на четвртиот кат од зградата.

Третиот, четвртиот и петтиот кат од зградата се урнаа, а оштетени се најмалку 10 станови.

Уште две лица се повредени и се пренесени во болница, наведува руската агенција.

Истражниот комитет покрена кривична постапка во врска со давање услуги кои не ги исполнуваат безбедносните услови.

Share on Facebook

Tweet

Follow us

Save