INFOMAX.MK

Големите поплави предизвикани од дождот кој паѓал без престан во текот на целата ноќ, во петокот ја погодија американската метропола Њујорк.

Гувернерката на Њујорк Кети Хочул објави дека во сојузната држава, во која во текот на минатата недела било во главно врнежливо, е прогласена вонредна состојба.

As seen in New York, USA.

pic.twitter.com/TB6fhW6ANF

— YabaLeftOnline (@yabaleftonline) September 29, 2023

Поради обилните дождови, чиј интензитет е зголемен во текот на ноќта, сопрен е превозот со подземната железница на некои линии.

Многу системи на градската подземна железница, улици и автопати се поплавени, додека најмалку еден терминал на аеродромот Ла Гуардиа вчера бил затворен.

Њујоршката метрополитенска транспортна управа (MTA) објави дека пружањето на услуги на подземната железница е многу ограничено и дека услугите на некои станици би можеле да бидат сопрени.

BREAKING : State of emergency declared in New York City due to heavy flooding. pic.twitter.com/G9381xcbmf

— Aldrich (@observer888888) September 29, 2023

„Ако морате да патувате, користете го јавниот превоз. Избегнувајте поплавени патишта. Ако живеете во подрум, бидете подготвени да се преселите на повисок кат“, рекол комесарот за управување со вонредни ситуации на Њујорк Зек Искол.

Метеоролозите прогнозираат дека врнежите ќе продолжат и денеска. Предупредување за поплави е издадено за некои делови на градското подрачје на Њујорк.

Предупредување за нагли поплави има во Менхетн, Бруклин и Квинс до 12:30 часот по локално време.

People are swimming in the subway in New York City. just think of all the trash and rodent feces and diseases. NYC MTA is in a state of emergency due to heavy rain and flooding. pic.twitter.com/H0KeCw6M6n

— Bitcoin New York City (@BSV_NYC) September 29, 2023