Паника меѓу младите во Шведска по предупредувањето за војна. „Не сме подготвени“

Предупредувањето од двајца високи официјални претставници на одбраната на Швеѓаните да се подготват за војна предизвика загриженост и обвиненија за непотребна паника, пишува БиБиСи.

Министерот за цивилна одбрана Карл-Оскар Болин на конференцијата во неделата изјави дека „може да има војна во Шведска“. Неговата порака потоа беше поддржана од врховниот воен командант, генерал Микаел Биден, кој рече дека сите Швеѓани треба ментално да се подготват за таа можност.

Сепак, опозициските политичари се спротивставија на тонот на предупредувањето. Поранешниот премиер Магдалена Андерсон изјави за шведската телевизија дека иако безбедносната состојба е сериозна, „не е како војната да е скоро зад аголот“.

Организацијата за права на децата Брис рече дека нејзината национална телефонска линија за помош обично не прима повици за можноста за војна. Но, оваа недела забележа пораст на загрижени повици од млади луѓе кои ги виделе вестите или објавите на TikTok кои зборуваат за тоа.

И покрај острите пораки, забелешките на министерот за цивилна одбрана и командантот на војската се сметаат за повик за будење. По повеќе од два века мир, Шведска е на неколку чекори од влез во НАТО. Чека зелено светло од турскиот парламент, а потоа и од Унгарија.

Share on Facebook

Tweet

Follow us

Save