Ватикан ги отфрла промената на полот, сурогат родителството и теоријата на родот

Канцеларијата за доктрина на верата во Ватикан денеска ја објави декларацијата „Дигнитас инфинита“ во која ги отфрла промената на полот, сурогат родителството и родовата теорија.

Во декларацијата се наведува дека „секоја интервенција за промена на полот, по правило, ризикува да го загрози уникатното достоинство што едно лице го добило од моментот на зачнувањето“, пренесува Ројтерс.

За теоријата на полот, според која полот е покомплициран и понестабилен од традиционалната поделба на две категории мажи и жени, Ватикан оцени дека „желбата за лично самоопределување, според теоријата на полот, покрај основната вистина дека човечкиот живот е дар, претставува потклекнување на древното искушение да се прави себеси како Бог, влегувајќи во конкуренција со единствениот вистински Бог на љубовта што ни е откриен во Евангелието“.

Share on Facebook

Tweet

Follow us

Save