Koлапc на енергетскиот систем во Косово, се бара воведување на вонpедна состојба
![t](https://infomax.mk/wp-content/uploads/2021/12/struja-2.jpg)
Колапсот на енергетскиот систем предизвика бројни проблеми на Косово и Метохија, а пратеникот на Демократската партија на Косово Ферат Шала рече дека премиерот Албин Курти треба да разреши дел од кабинетот што го покрива енергетскиот сектор и дека владата треба да прогласи вонредна состојба, објавија приштинските медиуми.
„Ние му наредуваме на Курти да прогласи вонредна состојба и да го распушти делот од кабинетот што го покрива енергетскиот сектор“, рече Шала.
Пратеникот на ДПК нагласи дека Косово е во длабока енергетска криза и дека последиците се големи во сите области.
„Влеговме во криза, но немаме податоци кога и како ќе излеземе од неа, како и колку граѓаните ќе се справат со оваа состојба во зимската сезона. Главната одговорност е на Владата на Косово во сите сектори. Владата не си ја заврши работата“, додаде тој.
Сепак, министерот за економија Артане Ризваноли, смета дека на енергетската криза на Космет влијае и тоа што Србија ги блокира енергетските линии и создава оптоварувања во енергетскиот систем во другите земји во регионот, како што се како Македонија и Албанија.
Ризваноли истакна дека за само два дена потрошувачката на струја се зголемила за 14 отсто.
„Србија ја блокираше енергетската линија меѓу нас и тоа не е нешто ново. Меѓутоа, во ваква кризна ситуација дополнително ја влошува ситуацијата. Тоа предизвикува оптоварување на мрежите и во другите земји. Ние сме уште поограничени во купувањето енергија, така што често немаме друг избор освен цените“, изјави Ризваноли на прес-конференција.
Таа додаде дека потрошувачката на струја е највисока досега забележана.
„За разлика од минатата година, ние трошиме многу повеќе. Потрошувачката се зголеми за 14 отсто за два дена, од 19 до 21 декември. Се соочуваме со фактори кои негативно влијаат на енергетската состојба од сите аспекти“, објасни Ризваноли, пренесе порталот Косово онлајн.
ПОВРЗАНИ ВЕСТИ
Н1: ПУКАЊЕ на границата меѓу Србија и…
Во петокот рано наутро дошло до пукање…
Србија ги прати во Косово посмртните останки…
Автомобилот со посмртните останки на Фатон Хајризи,…
САД се налутија: Косово ги загрозува можностите…
Соединетите Американски Држави оценија дека со континуираните…
Добар пример кој го воодушеви регионот: Момче…
Косовските медиуми го фалат гестот на 12-годишник…
ЕУЛЕКС: Подготвени сме да реагираме во случај…
Мисијата на Европската унија за владеење на…